Margir stjórnendur upplifa að þurfa að takast á við samskiptavanda á vinnustað.

AUKI hefur mikla reynslu á að taka á slíkum málum og þekkir að þessi mál eru sérstök í hvert skipti og þarf að skoða frá öllum hliðum áður en unnið er að lausnum. Við hjá AUKI leggjum m. a. áherslu á greiningarvinnu þegar þessi mál koma upp sem unnin er með stjórnendum og starfsfólki. Djúpviðtöl við starfsfólk, vinnustofur, tillögur að úrbótum, eftirfylgni og aðgerðaráætlun.

Mál sem tengjast einelti, kynbundnu og kynferðislegu áreiti og ofbeldi (EKKO) eru viðkvæm og æskilegt fyrir vinnustaði að fá utanaðkomandi aðila í faglega ráðgjöf.

AUKI býður upp á þjónustu í EKKO málum. Aðstoð við mótun og gerð stefnu og/eða viðbragðsáætlunar í samræmi við reglugerð 1009/2015 og lög um aðbúnað, hollustuhætti og öryggi á vinnustöðum. Einnig getur AUKI komið að rannsókn einstakra mála og veitt stuðning til stjórnenda. Þá býður AUKI upp á fræðslu fyrir stjórnendur og starfsfólk í þessum málaflokki.

Þegar upp koma erfið starfsmannamál, getur verið gott að fá utanaðkomandi mannauðssérfræðinga til að greina og vinna að lausnum með stjórnendum og viðkomandi aðilinum sem að málinu koma. Þessi mál geta reynst flókin og því mikilvægt að vanda til verka og greina hvert mál fyrir sig.

AUKI býður upp á þjónustu varðandi einstaka mál og einnig bjóðum við upp á vinnustofur sem styrkja sjórnendur í að taka á þessum málum.

Að byggja upp góða menningu er lykilþáttur að vellíðan á vinnustað og að fyrirtæki og stofnanir nái árangri í starfseminni. Vinnustaðamenning er alltumlykjandi og óáþreifanleg. Margvíslegir þættir hafa áhrif og er mikilvægt að stjórnendur og starfsfólk sé meðvitað um þá þætti sem hafa áhrif á menninguna. Gott er að skapa meðvitund um að allt starfsfólk hefur áhrif á að viðhalda og skapa jákvæða og uppbyggjandi menningu á vinnustað.

AUKI vinnur með stjórnendum og starfsfólki að greina og meta vinnustaðamenningu á vinnustöðum og móta tillögur og aðgerðir til að styrkja og efla menninguna.

Að veita uppbyggjandi endurgjöf er lykilatriði í eflingu starfsfólks og árangri skipulagseininga. Uppbyggjandi endurgjöf er ekki sjálfsögð og þarf að vanda til verka við þennan mikilvæga þátt í daglegu starfi stjórnenda.

AUKI hefur áratuga reynslu af innleiðingu starfsmannasamtala og endurgjafar. Við aðstoðum stjórnendur við mótun og innleiðingu ferla í tengslum við endurgjöf sbr. starfsmannasamtöl, frammistöðumat, gerð starfslýsinga, hæfnisgreininga ofl.

Að taka vel á móti nýju starfsfólki og stjórnendum slær taktinn fyrir framtíðina og hvernig nýr starfsmaður og eða stjórnandi aðlagast og kemur sér inn í nýtt starf og starfsumhverfi.

AUKI aðstoðar við mótun nýliðastefnu, móttöku nýliða og fræðslu fyrir nýja stjórnendur og starfsfólk í takt við áherslur og starfsemi stofnunnar og fyrirtækis.

Í nútíma starfsumhverfi er hraðinn og breytingar örar og því sífelld þörf fyrir starfsþróun og þjálfun. Þau fyrirtæki sem ekki sinna þessum þætti eru fljót að dragast aftur úr og eiga á hættu á að missa hæft starfsfólk. Krafa flests starfsfólks í dag er að fá tækifæri til starfsþróunar í takt við verkefni hverju sinni og metnað hvers og eins. Starfsþróun felst m.a. í að gefa starfsfólki tækifæri til að vaxa og takast á við krefjandi verkefni og kallar á gagnkvæmt traust aðila.

AUKI aðstoðar við mótun starfsþróunaráætlana og þjálfunar í takt við þarfir og eðli stofnanna og fyrirtækja og samsetningu starfsfólks.

Að vanda ferlið í kringum starfslok einstaklinga og hópa er mikilvægt bæði fyrir viðkomandi sem er að hætta og ekki síður fyrir vinnustaðinn. Hvort sem viðkomandi er að hætta vegna aldurs, vill skipta um starfsvettvang eða er sagt upp.

AUKI aðstoðar fyrirtæki og stofnanir að móta ferli í kringum starfslok með það að markmiði að hindra að mikilvæg þekking glatist og að fólk geti hvatt með reisn og sátt. Einnig tökum við að okkur að aðstoða við einstök mál er snúa að starfslokum.